Txindokiko Itzala parkea gaur gauean zabalduko dute

Tolosaldeko Ataria 2015ko abu. 29a, 10:59

Ilargia betea izango da gaur eta Txindokiko Itzala aisialdi gunean jarduera berezia antolatu dute: Ilbete Gaua. Abentura parkean gauez ibiltzeko aukera egongo da 21:30tik gauerdira arte.

Abaltzisketa eta Larraitz lotzen dituen ibilbide irisgarrian zehar ibilaldi gidatu bat burutuko da, gainera, mitologia eta naturaren inguruko istorio eta azalpenekin. Lurralde hauetako kondairak ezagutu ahal izango dituzte gida baten laguntzaz.

Ibilbidearen hasiera 22:00etan izango da Larraizko informazio puntuan. Informazio gehiago nahi duenak, info@txindokikoitzala.com helbidean edo 628 947 253 telefonoan izango du.

Abentura parkeko hiru zirkuituak zabalduko dira gaurkoan: txikia, ertaina eta handia. Ohiko ordutegian dauden arau eta baldintzak mantenduko dira. Hori bai, parte hartzaileei linterna frontal bat eramatea gomendatzen diete antolatzaileek, iluntasunean ibili ahal izateko.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!