Igandea, abenduak 14
Oargi Mendi Elkartearen irteera
TolosaldeaAralarko mendikatea, Mailoak. Errazkinera kotxez. Soroaundi deituriko lekutik abiatu oinez (600m), Belutako langatik (918m) pasa eta pixkanaka mailoetako ertzaren bila joan. Lehenengo tontorra Ttutturre (1283m) izango da, ondoren Balerdiraino (1197m) etengabeko gora-beherako ibilbidea jarraituz. Balerditik Astunaldeko lepora jaitsi berriz, eta hemendik Azkaratera (440m). Ibilbide guztia egiteko 9-10 ordu inguru beharko dira. Zailtasun teknikorik ez dago, baina etengabeko gora-beherako ibilbidea denez gogorra izango da. Izena emateko 688698642 telefonoan edo info@oargi.org , azken eguna Abenduak 9, asteartea.
08:30
Mendi irteera
TolosaTxangoa Zegaman hasi eta Seguran bukatuko da. Mariñamendi (787 m.) eta Aitzleor (730 m.) mendiak igoko dira. Ibilbidearen iraupena 4 ordukoa eta luzera 16 kilometrokoa izango da. Autobusaren irteera San Frantziskotik 08:30ean izango da. Txangoa bukatu ondoren, Segurako Izkiña jatetxean babarrun jatea izango da. Bazkideek 30 € ordaindu beharko dute, eta ez bazkideek 32 € (autobusa ta bazkaria barne). Mendi martxa bakarrik egin nahi dutenentzat, bazkideek 5 € ta ez bazkideek 7 €. Irteerari buruzko informazio gehiago ( bideoa ): https://www.youtube.com/watch?v=3q9wwjH9UKg Izena ematea: 943 65 27 89 edo alpinouzturre@hotmail.com
10:00
Hamabi orduz kirolean Zizurkilen
Zizurkil10:00 Zizurkilgo IV. Pilota Txapelketako finalak, Ziotza pilota eskolak antolatuta, Intxaur frontoian 16:30 Flow Balance. Herritar guztiei zuzenduriko zinta gainean ibiltzeko tailerra Ugare auzoan 17:00 Flow Balanceko kideen erakustaldia. Ibai gainean zinta bota eta bertan ibiliko dira 17:30 Tailerraren jarraipena
11:00
Herri Batzarra
Udaletxeko areto nagusia, OrendainIdazkariak Udalaren aurrekontuak aurkeztuko ditu, urte guztian zehar egon diren sarrerak eta gastuak laburtuz. Alkateak Orendainen azken urtean egin diren proiektuak azalduko ditu, eta egin ez direnak arrazoituko ditu. Ondoren azken hilabeteetan aurrera eraman den partaidetza proiektuak izan dituen emaitzak azalduko dira. Orendaingo 16 urtetik gorako biztanleei galdetegi bat banatu zitzaien herrian hurrengo urtean zehar zein proiektu egingo diren erabakitzeko biztanle bakoitzak bere botoa emanez. baita ere Orendainen dagoen bizi-kalitatea neurtzeko galdetegia ere bete zuten. Emaitza hauek guztiak azalduko dira batzarrean. Azken puntu hau bukatu ondoren atseden txiki bat hartzeko aukera izango da eta denontzat hamaiketakoa egongo da. Batzarraren azken zatia auzolanean zer egingo den erabakitzeko izango da. Hemen biztanleen iritziak entzutea oso garrantzitsua izango da, eta horretarako taldeetan banatuko dira beraien artean ideiak bota ditzaten. Lehendabizi biztanleek galdetegietan egindako proposamenak zerrendatuko dira eta jarraian taldeetan adostu dutenak gehituko dira. Azkenik, denon artean adostu eta auzolanean zer egingo den erabakia hartuko da.
12:00
2014, Fernando Urtea. Azken ospakizuna
Larrunarri pilotalekua, Amezketa12:00-13:30. Paxaka. garai bateko pelota modalitatearen erakustaldia, Larrunarri pilotalekuan. 14:00. "Fernandoren"-ren Txerriaren puxkak, herritarron goxagarri. Salgai izango dira txerriki pintxoak (Hirugiharrea, solomua, txorizoa, odolkia eta saltxitxak), ardoa, sagardoa eta kafea anixarekin.
16:00
Afrika Beltza
Amasa-Villabona16:00-18:00. Perkusio tailerra. Irakaslea: Mamadou Ba Sambou (Bibiche). Kultur etxeko dantza aretoan. 18:00-20:00. Dantza tailerra. Irakaslea: Marie Toure. Kultur etxeko dantza aretoan. 20:00. Lagny taldea. Aljibean. Dohain.
17:00
Erpurutxo. Haurren antzerkia
Amasa-VillabonaIpuin klasikoaren bertsioa. Bertan, ume txiki eta argi batek anai-arreba eta senide guztiak salbatzen ditu, gurasoek basoan utzi ondoren. Izan ere, nor ez da basoan galdu eta beldur izan? Nor ez da ogro maltzurraren beldur izan? 6 euro.
18:30
Kontzertua
Eliza, Lizartza"Barroko garaiko dantza eta aireak" kontzertua, Josetxu Obregon eta Enrike Solinis-en eskutik.
Eli Garmendia & Roberto Ruiz Antunez
GKo Gallery, TolosaArgazki eta poesia erakusketa. Lokartutako basoa, egoera fisiko eta mentala da, jatorrira itzultzea, izarpea basati bilakatzen den momentuan aterpetzeko lekua.Elkarketa kuantikoaren teoriak dioenez, noizbait lotuta egondako bi partikulak, behin banatu ostean beren lotura mantetzen dute. Unibertsoko punta banatan egon harren, beren arteko konexioa bat batekoa da. Lokartutako basoan, gorputza eta basoa dira elkarketaren funtsezko partikulak. Lurra berriz, gabitate-tunela, beraien arteko konexioa, lotura. Begiradan lokartutako basoa ekartzea, aldaezinera heltzea da.
Pandero ikastaroa. Izena ematea
Loatzo Musika Eskola, ZizurkilPandero ikastaroa urtarrilaren 7an hasi eta martxoaren 25ean bukatu, 7 urtetik aurrera, ez dago adin mugarik. 40 € ikastaroa. Izena ematea: abenduaren 3tik 19ra. Non: Loatzo Musika Eskola (bulegoa). Bulandegi, 23 behea. Zizurkil. 943 692619
Erakusketa. Karmele Pellejero
Erretirodunen taberna, AlegiaKarmele Pellejero hernialdearraren margolanak eta fofutxa panpinak.
11:3019:00
Elkartasun azoka
Aparkaleku azpiko lokala, BerastegiBigarren eskuko materialen azoka. Soberan edo erabiltzen ez ditugun gauzei etekina atera eta erabilpen berri bat ematea da azoka honen helburua. Materiala jasotzeko: Aparkaleku azpiko lokala: abenduaren 9tik 11ra. 16:00-18:00 Salmenta: Aparkaleku azpiko lokala. Abenduak 12 (16:30-19:00) Abenduak 13 (11:30-13:00) Abenduak 14 (11:30-13:30). Lortzen den dirua Etiopiako Wukro herrira bidaliko da.
17:3020:30
Erakusketa. Aiztondoko haize berriak astinduz
Atxulondo kultur etxea, ZizurkilArte erakusketa. Astelehenetik ostiralera 17:30-20:30. Larunbat eta igandetan 12:00-14:00 eta 17:30-20:30.
17:3020:30
Erakusketa: Aiztondoko haize berriak astinduz
ZizurkilAiztondoko haize berriak astinduz. Arte lanen erakusketa. Pintura, taila eta eskultura. Astean zehar (17:30-20:30) eta larunbata eta igandea (12:00-14:00 eta 17:30-20:30).
Egun guztiko festa
Alegiako Gaztetxea, Alegia60 tiket salduta larunbatean egingo dugun babarrun jaterako, gogoratu jarraian karaokea, bertso poteoa eta EtxepareRAP eta Bi Balakoen emanaldiak. 27urte zutik, bizirik eta bibalabirjen! ZoriONak denoi!
10:0020:00
Merkatu solidarioa
Parrokiko lokaletan, Ibarrako plaza, IbarraMaterial bilketa: abenduak 9-13 (17:00-20:30). Merkatua: astelehen-larunbata (10:00-13:00 eta 17:00-20:00) eta igandea (10:00-14:00)
Guneak:
- Leidor antzokia (Tolosa) (22)
- Aranburu jauregia (Tolosa) (1)
- Gazte Topagunea (Tolosa) (4)
- Topic (Tolosa) (4)
- Bonberenea (Tolosa) (8)
- Gurea antzokia (Amasa-Villabona) (12)
- Tolosako kultur etxea (Tolosa) (11)
- Amarozko Auzo Etxea (Tolosa) (1)
- Mikelasagasti auditorioa (Anoeta) (4)
- Antxon Bandres Bidaiarien Txokoa (Tolosa) (3)
- Batzarremuño kulturgunea (Altzo) (2)