Altzo Azpin Aundiya pelikularen grabaketak direla eta, Altzo Azpiko bidea itxita egongo da Zuaznabar ingurura arte.
Europar kontraesana: Migrazio politika izeneko hitzaldia Agustin Unzurrunzagaren eskutik. Gipuzkoako SOS arrazakeria taldeko sortzailea eta taldeko koordinatzailea izana.
Martxoko saioan Xabier Montoiak proposatutako, Autoa liburua (Harry Crews) izango da irakurgaia. Yurre Ugartek dinamizatuta.
'Abre tu consciencia' liburuaren aurkezpena izango da. Jose Antonio Gonzalezek eta David Gonzalezek idatzia da.
Tolosako Berdintasun sailak bi urtez behin antolatzen du martxoaren 8aren inguruko erakusketa. Abel Azcona, Ana Belen Jarrin, Itziar Okariz, Susana Segurola eta Kristoren Gorputza dira sortzaileak.
Joan Baixas txotxongilolari eta artista plastikoak, bere azken sorkuntzak erakusten ditu, liburuak elementu nagusi diren intalazioetatik hasi eta artista bartzelonarrak “Mangoneos” izenez izendatzen dituen pieza txikietaraino. Margolanak ere badira, nahiz eta bere pinturak ez diren askotan ikusgai izan.
Maiatzaren 13a baino lehen, kultur etxean aurkeztu beharko dira festak iragartzeko kartelak eta logotipoak. Kartel irabazlea jaietako egitarauaren azala izango da eta logotipoa jaiekin lotura duten agerkarietan agertuko da. Lehiaketan 12 urtetik gorako edonork hartu ahal izango du parte. Teknika librea erabili ahal izango da, hau da, eskuz zein formatu digitalean aurkeztu daitezke lanak, baina azken aukera hau hautatzen dutenek lanak gutxienez 300 ppiko bereizmenarekin aurkeztu beharko dituzte. Kartelek A3 tamaina izango dute eta logotipoek 21x21ekoa. Lanek derrigorrez Alegiako festak 2016 testua izan beharko dute eta jaien ezaugarri, irudi edo lemaren bat ere adierazi beharko dute. Koloretan aurkeztuko dira eta aurrez beste inon aurkeztugabeak izan beharko dute.
Larrialdiko lehen laguntzatik urrun dauden herriguneetako biztanleak bihotz biriketako bizkortze tekniketan trebatzeko ikastaroa antolatu dute. Ikastaroa bi egunetakoa eta bi orduko iraupenarekin izango da. Gutxienez, 8 pertsona eta gehienez 12 beharko dira. Materiala beraiek jartzen dute. Ikastaroan interesa edukiz gero, udaletxean izen-abizena eta NAN zenbakia eman beharko dira, hilaren 12a baino lehen.