Maiatza Iraultzailearen barruan, Hartu trena ekimenaren mahai ingurua Euskal presoak Euskal Herrira! lelopean eta kontzertua. Ibarrako Gazte Asanbladak antolatuta.
Dignity 1eko kapitain Madeleine Habibek hitzaldi bat emango du, Uzturpe ikastolak antolatuta. Ikastola errefuxiatuen krisia bete-betean aztertzen ari da, eta kapitain australiarrak erreskate operazio hauen nondik norakoak azaltzeko proposamena azalduko du, herriari irekia izango den emanaldian. MSFren hiru itsasontzik osaturiko flotak 20.000 lagun atera zituen mediterraneoko uretatik 2015an. Iragan apirilean ekin zion berriz erreskate operazioari. Ingelesez izango da hitzaldia.
Ikastaroak hiru orduko iraupena izango du, eta 11 urtetik gorakoentzat izango da. Doan izango da, ostiralean edo larunbatean. Taldeak gehienez zortzikoak izango dira, eta izena emateko azken eguna hilaren 11 izango da.
Frantziako zirku bikaina, familia osoarentzat. Animaliarik gabekoa eta ordu eta erdiko ikuskizuna. Sarrera guztientzat: 7 euro.
Berdintasun planaren barruko bilera izango da, eta kasu honetan, bereziki gazteei zuzendua.
Onddo Gazte Asanbladaren urteurrenaren barruan egingo dute, eta ondoren afaria doan.
Saharar kolektiboak ere bat egin nahi izan du ekimenak antolatuz, eta beraiek ere egitaraua prestatu dute Trianguloan jarriko duten haiman: 19:00. Politikari eta gizarte eragileekin irekiera emango diote tea, datilak eta esnea banatuz. 19:30. Kolektiboko lehendakariak hitza hartuko du 19:40. Gazte batek hitz egingo du giza eskubideez, Espainiak Nazio Batuen Erakundean izan duen jarreraz,... 20:00. Politikari ezberdinek hitz egingo dute, sahararrei elkartasuna adieraziz.
Ekimenak izan duen harrera ona ikusita, beste behin, ingeles itxurako taberna batean, garagardo goxoenez lagunduz eta dinamizatzaileen laguntzarekin ingelesa praktikatzeko aukera izaten da. La taberna de Khris-en egingo dute English Corner-a, gertutasuna, erosotasuna eta izen ona izateaz gain, English Corner-a burutzeko behar diren ezaugarri guztiak betetzen dituen tabernan.
Maiatza Gorriaren barruan eskainiko dute dokumentala, eta horren ostean ipuin kontaketa izango da.
Ibarrako III. Mus Txapelketa. 12 kanporaketa jokatuko dira. Finala, uztailaren 8an izango da. Izen ematea: 25 euro. Saria: Kanporaketa bakoitzean izen ematean lortzen denaren erdia. Finaleko saria: kanporaketa guztietan pilatzen joan den diru guztia.
Maiatzean Kulturaren barruan izango da. Aizpurua jatetxean, Trinketea tabernan eta Irura kafetegian jokatuko dira.
Maiatzean Kulturaren barruan izango da, J.K. Gurrutxagaren saioa. Plazan dagoen ikastolako aretoan izango da.
Joan Baixas txotxongilolari eta artista plastikoak, bere azken sorkuntzak erakusten ditu, liburuak elementu nagusi diren intalazioetatik hasi eta artista bartzelonarrak “Mangoneos” izenez izendatzen dituen pieza txikietaraino. Margolanak ere badira, nahiz eta bere pinturak ez diren askotan ikusgai izan.
Maiatzaren 13a baino lehen, kultur etxean aurkeztu beharko dira festak iragartzeko kartelak eta logotipoak. Kartel irabazlea jaietako egitarauaren azala izango da eta logotipoa jaiekin lotura duten agerkarietan agertuko da. Lehiaketan 12 urtetik gorako edonork hartu ahal izango du parte. Teknika librea erabili ahal izango da, hau da, eskuz zein formatu digitalean aurkeztu daitezke lanak, baina azken aukera hau hautatzen dutenek lanak gutxienez 300 ppiko bereizmenarekin aurkeztu beharko dituzte. Kartelek A3 tamaina izango dute eta logotipoek 21x21ekoa. Lanek derrigorrez Alegiako festak 2016 testua izan beharko dute eta jaien ezaugarri, irudi edo lemaren bat ere adierazi beharko dute. Koloretan aurkeztuko dira eta aurrez beste inon aurkeztugabeak izan beharko dute.
Madrilen, Eibarren eta Donostian formakuntza jaso duen margolari euskalduna da Teresa Vildosola. Izaera gogorra eta trazu segurua duten pinturak aurkezten ditu, neoinpresionismoa nahiz abstraktu estiloa islatzen dutenak. Bisita egunak: Asteartea, asteazkena, osteguna, ostirala eta larunbata
Ibilbide luze eta aberatsa duten hiru margolariren erakusketa kolektiboa. Javier Sagarzazu, Susana Zaldivar eta Carmen Maura. Bisita egunak: Asteartea, asteazkena, osteguna, ostirala eta larunbata.
Lurlan Bristot eta GKo Gallery-k elkarlanean aurkeztu dute erakusketa.
Aiztondo Zerbitzuen Mankomunitateak zazpi eguneko egonaldia antolatu du uztailaren 1etik 7ra, Astitzko aterpetxean. aktibitate ezberdinez gozatzeko aukera izango dute: tirolina, piraguismoa... Egonaldiaren prezioa 200 eurokoa da. Informazio gehiago, 943 69 39 30 telefonoan.
Agurtzane Belaunzaran eta Pedram Yazminiren eskutik. Maiatzaren 5ean eta 12an, bisita gidatua eta proiekzioa ere izango da.
2016-2017 ikasturteko matrikulazio epea zabalduko du Loatzo Musika Eskolak. 943 69 26 19 telefono zenbakian izango da informazio gehiago. Musika bizi eta gozatu lelopean deitu dituzte ikasleak musika eskolan izen ematera. 4 eta 7 urte bitarteko umeek tailerra izango dute aukeran, musikaz gozatu, jolasa egin, dantzatu eta kantatzeko. 8 urtetik aurrera, musika tresna hautatu ahal izango dute (klarinetea, zeharkako flauta, trikitia, txistua, dultzaina, gitarra, pianoa, tronpeta, gitarra elektrikoa, bonbardinoa, tronboia, saxofoia, eskusoinua, biolina, biolontxeloa, perkusioa, kantua eta baxua). Helduentzako berriz, aukera egongo da hainbat instrumentutan.