Igandea, uztailak 10

06:00

Aizkardiko irteera

Hiru Erregeen Mahaiara igoera antolatu da. Izena emateko, ondorengo telefono zenbakira deitu, 20:00etatik 22:00etara: 649717182. Bestela, Aizkardi aretoan ere izena eman daiteke ordutegi berean, uztailak 7a baino lehen. Irteera goizeko 6:00etan izango da (Uztailak 10), eta Olaederra kiroldegitik abiatuko da.

09:00

'Katu Beltz' bigarren eskuko azoka

Goizeko 9:00etatik 14:00etara egingo da bigarren eskuko azoka, Joxe Arregi plazan. Euria eginez gero, Pedro Mari Otaño ikastetxeko pilotalekuan egingo da. Postua jarri nahi duenak, aldez aurretik eman beharko du izena bi telefono hauetako batera deituta: 943 05 77 83 edo 619 20 30 58.

10:30

Santamaña XVI. Kros Igoera

Irteera goizeko 10:30etan izango da, eta izen ematea ordubete lehenago herriko plazan. Lasterketa bukatu ostean, hamaiketakoa, sari banaketa eta zozketa izango dira. Dutxatzeko aukera ere egongo da, Santamaña ermitaren aldamenean; korrikalarien motxilak bertara eraman beharko dira.

12:00

Gizonezkoen Gipuzkoako Sega Txapelketako finalak, Asteasun

Asteasuko Bulano baserriko belardian jokatuko da. Eguerdiko 12:00etan hasiko da, eta ordubeteko lana burutu beharko dute.Parte hartuko duten lau segalariak:- Arkaitz Arteaga Bereziartua - Igor Esnaola Dorronsoro - Jokin Etxeberria Peñagarikano - Julen Gabirondo Izeta

19:30

The Machetazo jazz taldearen kontzertua

19:30

El hombre perfecto

19:00

'Eroen ontzia' erakusketa

Joan Baixas txotxongilolari eta artista plastikoak, bere azken sorkuntzak erakusten ditu, liburuak elementu nagusi diren intalazioetatik hasi eta artista bartzelonarrak “Mangoneos” izenez izendatzen dituen pieza txikietaraino. Margolanak ere badira, nahiz eta bere pinturak ez diren askotan ikusgai izan.

Chistau haranera, Oargirekin

Oargi Mendi Taldeak, uztailaren bigarren astebururako irteera antolatu du Chistau bailarara.Uztailak 8, ostirala: Tolosatik irten eta Biadoseko aterpera joango dira lo egitera.Uztailak 9, larunbata: Goizean goiz aterpetik Eristeko lepora abiatuko eta hemendik Espadaseko ertza hasiko dute. Bertan 6 hiru milako igoko dituzte, azkena Posets izango da, Pirinioetako bigarren gailur garaiena. Gailurretik Biadosetik igotzen den bide normaletik jaitsiko dira. Ibilbidea egiteko 12 ordu inguru beharko dituzte eta honek 1800 metro inguruko desnibela du. Berriro ere Biadosen egingo du lo.Uztailak 10, igandea: Taberneseko aterpera gerturatuko dira eta bertatik Culfredara igoko dira. 5 orduko igoera dago eta 1500 metroko desnibela. Ondoren, Tolosara itzuliko gara.Eraman beharreko materiala: Arnesa, lotzeko kaboa, kaskoa, rapelatzeko aparaturen bat (zortzia, zesta…), kranpoiak eta pioleta.Izena emateko 688698642 telefonoan edo info@oargi.org, azken eguna uztailak 4, astelehena.Izena ematerakoan 20€ aurreratu beharko dira ondorengo kontuan: Euskadiko Kutxa / Caja Laboral 3035 0028 11 0281141038.