Subijana etxeak emanaldi berezia hartuko du bihar, ‘Garai hura gara’ ikuskizuna. Emanaldi berezi honetan hiru dira protagonistak, Andoni Egaña bertsolaria, Xabier Lizaso pianista eta Fernando Amezketarra. Egañak Amezketako pertsonaia ezagunaren bertsoak eta garaikoak botako ditu; Txabalegi eta Zabala, Izuelako artzaia, Juan Inazio Iztueta... Musikari dagokionez, Xabier Muniberen, Peñafloridako kontearen, lana izango da nagusi, eta baita Larrañaga, Gamarra eta Osinaga sortzaileenak ere. Lizasok bere konposizioak ere eskainiko ditu. Garai hura garak, hortaz, XVIII. mendeko eta XIX.aren hasierako kultur joerak ditu ardatz. Gaurko emanaldiak musikaz eta bertsoez gozatzeko aukera emateaz gain, gure iraganean murgiltzeko aukera emango du, beraz.
Garai hura gara azken Donostiako Musika Hamabostaldirako sortu zuten. Izan ere, Fernando Amezketarraren jaiotzaren 250. urteurrenaren harira sortu zuten.