'Sukalean' ekimena eta villabona.dok zikloa, maiatzeko kultur programazioan

Tolosaldeko Ataria 2016ko mai. 2a, 17:00

Maiatzaren 14ean sukaldetik kalera aterako dira billabonatarrak. Egun osoa iraungo duen ekimena antolatu dute.

Apirila arte iraun izan du orain arte zine programazioak Villabonako Gurea aretoan. Aurten, astebetez luzatu eta asteburu honetan –maiatzak 7,  8 eta 9– bi filma ikusteko aukera izango da.

Horrekin batera, laugarren urtez, villabona.dok dokumental zikloa jarriko dute martxan maiatzaren 17tik ekainaren 2ra. Astearte eta ostegunetan izango dira emanaldiak, Gurea aretoan, 20:30ean hasita.

Maiatzeko ekimen nagusia, Sukalean izenekoa izango da. Maiatzaren 14an, 10:30ean hasita eta egun osoz sukaldaritzarekin zerikusia duten hainbat ekitaldi antolatu dira: ardo dastaketa, txuleta eta pintxo dastaketa, txanpinoi lehiaketa, burruntzi tailer irekia, arkume eta sagardo dastatzea eta abar luzea bat. Bezperan, maiatzaren 13an, ¡Oh Vino! bakarrizketa berezia izango da Aljibean, La Liquida konpainiako David Garcia-Intriagoren eskutik.

Joxean Cubero, Amasa-Villabonako kultura teknikariak eman digu programazioaren berri:

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!