Udalaren ustez, Amezketan dagoen etxebizitza eskaria asetzeko, ez dago eraikuntza berririk egin beharrik. «Izan ere, azterketa sakonagoa laster izango den arren, jakin badagiku, etxe hutsen kopurua % 20 inguru dela gaur egun».
Herrian etxebizitza hutsen kopurua maila horretan egotea, arazo bat da udalarentzat: «Etxebizitza behar eta nahi duen jendea badago, eta bitartean etxebizitzak hutsik, zahartzeko, izurratzeko eta erortzeko arriskuan daude. Egoerari buelta eman ezean, herria pixkanaka-pixkanaka hiltzen joan liteke, herriko belaunaldi gazteek bereziki, eta Amezketan bizi nahi duenak ez duelako aukerarik izango». Egoera horri buelta emateko, alokairua sustatzeko helburua izango duen parte hartze prozesua jarri dute martxan udaletik.