Pasa den larunbatean Segurako XXXVIII. Euskal Herriko Dantza Txapelketa ospatu zen, eta bertan Ibarrako bi bikotek parte hartu zuten. Batetik, Goreti Galarraga eta Maria Camarero bikoteak. Bestetik, Iratxe Lizarburu eta Ibai Jimenez bikoteak. Jimenez zaldibiarra da izatez, baina Ibarraren izenean parte hartu zuen Segurako txapelketan. Bigarren bikote hau izan zen, gainera, txapelketan dantza jantzien saria jaso zuen. Jantzi hauek Ramon Garciak eginak dira.
Gainera, larunbatean bertan epaimahaiak erabakia hartzen zuen bitartean Alurr dantza taldeak emanaldi bat eskaini zuen. Emanaldi horretan, prestatzen ari diren Bi punturen artean ikuskizun berriaren hamar minutuko aurrerapen bat eskaini zuten. Eta ikusleen aldetik, harrera «oso ona» jaso zuten taldekideen esanetan.
Aurrera begira, berriz, igande honetan bertan dute hurrengo emanaldia Alurr dantza taldeko kideek. Orkestra barrokoak eta txistulariek Donostian emanaldi bat prestatu dute, 12:00etan, eta Ibarrako dantzariak ere bertan izango dira.
Ibarrako bi bikotek parte hartu zuten, eta Alurr-ek bere ikuskizun berria aurkeztu zuen
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!