Alkateordeak eta gobernu batzordea
181/2015 Alkate Dekretuaren arabera, Itziar Arratibel eta Jexux Peñagarikano izango dira lehen eta bigarren alkateordeak hurrenez hurren.
Bestalde, Gobernu Batzordea erabaki du Ibarrako Udalak. Organo hau beharrezkoa da 5.000 biztanletik gorako herrietan, baina alkateak berak egindako proposamena izan da, "barne nahiz kanpo funtzionamendurako eraginkorrago" ikusten duelako. Mikel Agirrezabalaz gain, aurrez aipatutako bi alkateordeek osatuko dute Gobernu Batzorde hori, nahiz eta izaera irekia izango duen parte hartu nahi duten zinegotzi guztientzat.
Batzorde honek erabaki ahal izango ditu, besteak beste, 18.000 eurotik gorako obrak eta zerbitzuak esleitzea edo ondasunak erostea, beti ere 300.000 euro baino gehiagokoa ez bada; udal ordenantzen arau hausteak zigortzea; langileak hautatzeko probetarako oinarriak zehaztea edo 1.000 eurotik gorako diru-laguntzak ematea.
Batzordeak
179/2015 Alkate Dekretu bidez, Mikel Agirrezabalak Itziar Arratibel Gizarte Zerbitzu eta Kulturako zinegotzi izendatu du, eta bere eskumenak eskuordetzeko ahalmena izango du bi esparru horietan. Itziar Jauregi jeltzaleak dekretu honen berri eman ez izana salatu zuen osoko bilkuran eta informazio hori aldez aurretik aurkeztea eskatu zuen. Hamaika batzorde osatu dira:
|
Batzordea |
Kideak |
|
1. Politika feminista |
Batzordeburua: - Irati Ozaita (EH Bildu) Batzordekideak: - Arkaitz Fraile (EH Bildu) - Maria Cristina Goya eta Victoria Rodriguez (EAJ) |
|
2. Euskara |
Batzordeburua: - Jexux Peñagarikano (EH Bildu) Batzordekideak: - Itziar Arratibel (EH Bildu) - Itziar Jauregi eta Maria Cristina Goya (EAJ) |
|
3. Gazteria |
Batzordeburua: - Mikel Agirrezabala (EH Bildu) Batzordekideak: - Irati Ozaita (EH Bildu) - Maria Cristina Goya eta Itziar Jauregi (EAJ) |
|
4. Kirola |
Batzordeburua: - Mikel Agirrezabala (EH Bildu) Batzordekideak: - Jexux Peñagarikano (EH Bildu) - Eleuterio Sanchez eta Juan Luis Cid (EAJ) |
| 5. Gizarte politika |
Batzordeburua: - Itziar Arratibel (EH Bildu) Batzordekideak: - Arkaitz Fraile (EH Bildu) - Victoria Rodriguez eta Eleuterio Sanchez (EAJ) |
|
6. Hirigintza |
Batzordeburua: - Hanot Karrera (EH Bildu) Batzordekideak: - Mikel Agirrezabala (EH Bildu) - Juan Luis Cid eta Maria Cristina Goya (EAJ) |
|
7. Ingurumena |
Batzordeburua: - Arkaitz Fraile (EH Bildu) Batzordekideak: - Hanot Karrera (EH Bildu) - Eleuterio Sanchez eta Victoria Rodriguez (EAJ) |
|
8. Obra eta zerbitzuak |
Batzordeburua: - Hanot Karrera (EH Bildu) Batzordekideak: - Mikel Agirrezabala (EH Bildu) - Eleuterio Sanchez eta Maria Cristina Goya (EAJ) |
|
9. Kultura |
Batzordeburua: - Itziar Arratibel (EH Bildu) Batzordekideak: - Jexux Peñagarikano (EH Bildu) - Maria Cristina Goya eta Itziar Jauregi (EAJ) |
|
10. Kontu bereziak |
Batzordeburua: - Mikel Agirrezabala (EH Bildu) Batzordekideak: - Itziar Arratibel (EH Bildu) - Juan Luis Cid eta Itziar Jauregi (EAJ) |
|
11. Pertsonala |
Batzordeburua: - Mikel Agirrezabala (EH Bildu) Batzordekideak: - Itziar Arratibel (EH Bildu) - Juan Luis Cid eta Victoria Rodriguez (EAJ) |
Organo ordezkariak
Ibarrako Udalak ordezkatua egon behar duen organoetako ordezkaritza hau onartu du udalbatzak, EH Bilduren aldeko botoekin eta EAJren kontrakoekin:
- Tolosaldea Garatzen: Itziar Arratibel (Ordezkoa: Mikel Agirrezabala)
- Mankomunitatea: Mikel Agirrezabala (Ordezkoa: Itziar Arratibel)
- Loatzo Musika Eskola: Jexux Peñagarikano (Ordezkoa: Itziar Arratibel)
- Hiltegiko Mankomunitatea: Hanot Karrera
- Tolomendi: Arkaitz Fraile (Ordezkoa: Mikel Agirrezabala)
- Euskal Fondoa: Itziar Arratibel
- Ur Kontsortzioa: Mikel Agirrezabala (Ordezkoa: Itziar Arratibel)
- Apatta Industrialdea Kontserbatzeko Hirigintza Intereseko Taldea: Mikel Agirrezabala
- Tolosaldeko Apatta Erreka Industria Lurra: Mikel Agirrezabala
Soldatak eta zinegotzien liberatzea
Mikel Agirrezabala alkateak nahiz Itziar Arratibel zinegotziak bere kargua lanaldi osoan beteko dute. Alkatearen kasuan, ordainsari gordina 41.470 eurokoa izango da urtean, eta zinegotziaren kasuan, 34.080 eurokoa.
Mikel Agirrezabala alkateak erabakiaren arrazoiak azaldu ditu: "Aurreko legealditik planteatu genuen baina azkenean legealdia horrela bukatzea erabaki genuen. Liberatu bakarrarekin justu samar ibili ginen, lan asko dagoelako egiteko, eta beharra ikusi genuen. Teknikariek ere beren lan orduetan presentzia gehiago eskatzen zuten. Ibarrak dituen biztanleengatik bigarren liberatu hori badagokio, eta baimena eskatu zen horretarako".
Horrez gain, alderdi politiko bakoitzak 175 euro jasoko ditu hilean, eta zinegotzi bakoitzak 135 euro kobratuko ditu hilean baldin eta bilkura eta batzorde informatibo guztietan parte hartzen badu. Batzorde informatibo buruek, berriz, hilean 170 euroko jasoko dituzte.