2015eko urtarrilean atxilotu eta espetxeratu zuten Jon Mintegiaga 'Minde' Eloy Velasco epailearen aginduz, aurretik 2013an epailearen aurrean deklaratutakoan jarritako baldintzak ez betetzeagatik.
Otsailaren 4an, balditzapean aske geratu eta Ibarrara itzuli zen Aranjuezeko espetxetik.
Gaur herritarrek eta hainbat eragilek babesa adierazi nahi izan diote. Txalaparta, dantzariak, bertsoak, opariak eta besarkadak jaso ditu eurengandik; baita hitz ederrak ere. Hala ere, gogoratu nahi izan dute askatasuna ez dela behin-betikoa eta baldintzapean geratu dela aske.
Bestalde, gogoan izan dituzte Frantzian espetxeratua dagoen Maite Aranalde eta Gari Ibarluzea iheslaria. Bi ibartarrak presente izan dituzte, eta euren senideei ere dantza eta lore sorta eskaini dizkiete.