Eusko Jaurlaritzako Segurtasun Sailak jakinarazi duenez, igande goizaldean gertatu zen erasoa, Tolosako taberna batean. Gizonezko bat emakume batengana gerturatu, eta ukituak egin zizkion. Andreak bultzaka gainetik kendu zuen gizona, baina hura itzuli eta berriro egin zizkion ukituak.
Berriro bultzatu zuen emakumeak, eta lurrera jausi zen gizona. Erasotzailearekin zegoen beste gizon batek kontra egin zion andreari, eta emakumearen lagun taldeak aurre egin zion. Geroago, andrea eta haren lagunak beste taberna batean zeudela, berriro joan zitzaien erasotzailearen laguna, eta biktimak Ertzaintzara deitu zuen egoeraren berri emateko. Ondoren, salaketa jarri zuen.
Ertzainek minutu batzuk geroago topatu zuten erasotzailea Ibaiondo kalean, eta atxilo hartu zuten. Sexu abusuak egitea egotzita atzeman zuten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
