Gutun Bereziak

Erabiltzailearen aurpegia Ion Mintegiaga 2015ko uzt. 27a, 11:34

Gutun klase asko eta ezberdinak iristen zaizkit. Horien artetik aprezio berezia diet politikoki nigandik urrun xamar egon daitezkeen lagunek idatzitakoak direnean, euskaldunok espetxearen inguru-marian antolatu antzera duzun zirkulutik kanpokoa denean, non hasi bai baina non bukatzen den argi ez duzun eta osatzen omen duzun mundu horretatik kanpokoa denean.

Orain hurrena, hasiera batean nirekin e-mailez kontaktuan jarri nahi zuen lagunaren gutuna jaso nuen; e-mailez! Maila horretakoa da maite zaituen jende baten ezagutza zure errealitatearekiko. Horrexegatik, balio handia ematen diot, umetan, ikasmahaia elkar banatu nuen lagunaren gutunari, duda-muden baitan ahaleginekin ondutakoa delako; pentsatu, erabaki, idatzi, helbidea lortu, gutun azala eta zigiluak erosi eta azkenik, bidaltzeko prozesua, itxura batera iruditu litekeen bezain sinplea ez delako.

Badira bestelako kasuak. Borrokaren aldeko aldarrikapena ahoan darabiltenen partetik, ez presoek ez eta senideek, hurbileko keinurik txikienak ere jasotzen ez dituztenean.

Horrelakoetan pentsatzen dut zer ote garen zenbaitentzat, militante abstraktuak akaso? Txuri-beltzezko argazki lausotuen atzean, afektu premiarik oinarrizkoenak dituen hezur-haragizko gizakiak daudela ere errebidinkatu ezin behar ote dugu?

Zer da lehenago, arrautza edo oiloa? Zer gara lehenago, militanteak edo pertsonak? Zientifikoki esan dezakegu, militanteak eta pertsonak banatu ezina den batasun bat osatzen dutela bere dialektikan. Garaian garaiko baldintzetara egokitutako oreka topatzea da gakoa.

Irakurri artikulu osoa argia.eus-en

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!