Urte amaiera aldera hasiko dira plaza berritzeko lanak, eta bide batez, zuhaitz berria landatuko da. Maiatzaren 9tik 16ra egin zen galdeketan, herritarrek zuhaitzaren aldeko hautua egin zuten. Orain, zein zuhaitz aukeratu erabakitzeko unea da.
Abuztuaren 15 eta 16an
Horretarako, Zizurkil goiko festak erabiliko dira. Zuhaitza egongo den plazan bertan erakusketa bat jarriko da, abuztuaren 15 eta 16an; horrela, herritarrek beraien aukera zein den argituko dute. Udalak, besteak beste, Fraisoro nekazal eskolarekin hitz eginda, Euskal Herrian errotutako hiru zuhaitz proposatu ditu: Lizarra, pagoa eta haritza. Erakusketan, zuhaitz bakoitzaren ezaugarriak azalduko dira, herritarrek erabakia hartu baino lehen. Parte hartzeko Zizurkilen erroldatuta egotea ezinbesteko baldintza izango da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
