Egunean 1065 bazkide ezberdin jasotzen ditu Tolosako Usabal Kiroldegiak, bazkide kopuruaren %10 baino gehiago, kiroldegiak hilabetero argitaratzen duen buletinean jakinarazi duenez. Datu honek, "erabileraren arrakasta" islatzen duela azaldu du Usabalek. 2013an 354 egunetan zabalik izan dela kontuan hartuta, 376.500 erabiltzailetik gora izan du kiroldegiak.
Bazkideen alta eta bajak, berriz, pareko izan dira. "Asko" izan dira bazkide izateari utzi diotenak, baina Tolosaldeko gainontzeko herrietatik jende askok egin du txartela, eta zortzigarren urtez jarraian, bazkide kopurua mantentzea lortu du kiroldegiak.
Bestalde, kiroldegiak nabarmendu du Tolosako biztanleen %35a dela bertako bazkide.