Bedaioko azoka berezi "arrakastatsua"

IƱigo Terradillos 2014ko aza. 4a, 10:46

Bedaion  jende ugari elkartu zen igandean, frontoian jarritako postuen inguruan. «Oso ondo egon zen, oso gustura azokarekin; ekitaldi arrakastatsua izan zela esan daiteke», azaldu du Jon Balerdi Artubi elkarteko kideak.

Aurten erakusketa moduko bat prestatu dute, eta berezitasuna ezkontza soinekoak izan dira. «Orain 60 urte hasi eta gaur egunera arteko soinekoak biltzen ikaragarrizko lana egin dute, eta ikusmin handia sortu dute. Etxez etxe ibili dira eske, eta jendeak oso gustura eskaini ditu soinekoak». Ezkontzen argazki zaharrak ere izan ziren.
Bertako produktuak ere salgai izan ziren Bedaioko azokan, eta produktuen eskaintza ugaria izan da, aurtengo udazkena nola izaten ari den ikusita. Talo tailerra egin zuten haurrentzat, jan bakarrik ez, egiten ere ikasteko. Azoka bukatuta «babarrun bazkari ederra» egin zuten.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!