Baserritarren eta sukaldarien arteko elkartasun jardunaldia antolatu dute hurrengo asteko azokan, maiatzaren 9an. Baserritarren lana eskertzea izango du helburu ekimenak, eta sukaldariak, bertsolariak eta kantua izango dira.
Tolosako azokak baserritarren lana eskertu eta eurekiko babesa adierazteko omenalditxoa egingo die hurrengo asteko azokan. Eguerdian izango da omenaldia, baina, horrekin batera, goiz osoan zehar beste hainbat ekitaldi ere izango dira azokan. Batetik, baserritarrek aukeratutako produktuekin pintxoak prestatuko dituzte sukaldariek, eta horiek dastatzeko aukera izango da. Betsteik, bertsoak izango dira, Maialen Lujanbio eta Unai Agirreren eskutik, eta Erramun Martikorena ere izango da kantuan, Zerkausian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!