Nola doa txapelketaren prestakuntza?Lan handia?
Prestakuntza handia bai kirolarien aldetik eta baita egitura aldetik ere. Nazio arteko ekitaldi bat da eta ekitaldi handiak prestakuntza handiak izaten dituzte.
Zergatik aukeratu duzue Loiola?
Orain dela lau urte hasi ginen honekin eta hainbat aukera genituen esku artean, baina Loiola iruditu zitzaigun egokiena. Belardi eta azpiegitura egokiak zituen baita herriaren laguntza ere, baina batez ere belardiagatik aukeratu dugu Loiola.
Jende asko espero ahal duzue?
Jende asko ari da mugitzen herrian bertan eta kultur eragile ezberdinek hartuko dute parte bertan. Iganderako 2000 pertsona inguru espero ditugu.
Txapelketaz gain ekitaldi gehiago ere antolatu dituzue ezta?
Ostiralean taldeei harrera egingo zaie. Gauean, dantzaldia, afaria eta festa Plaza Berduran. Larunbatean, gaztetxoen lehenengo gaztetxoen arteko sega txapelketa egongo da. Ondoren Ikasberri Ikastolako errotondatik Azpeitiko plazaraino desfilea egingo dute Azpeitiko kultur eragile gehienek, hauen artean dantzariak, danborradak... Horretaz gain, baserri inguruko erraminta ezberdinen erakusketa bat eta batez ere taldeen aurkezpenak eta sailen zozketa izango da.
Euskal Selekzioa izango da parte hartzaileetako bat, nola ikusten duzu taldea?
Sei herrialdek parte hartzen dute orokorrean eta erdialdean ibiltzen gara. Aurtengo taldearekin, 3. edo 2. postuarekin borroka egiteko taldea dagoela ikusten dut talde mailan borrokatzeko. Maila indibidualari begiratuta, nesketan Alaitz Imaz oso indartsu ikusten dut. Mutiletan berriz, Bixente Mitxelena edo Koldo Arzelusek lan polita egin dezakete.
Hemen asteburuko egitaraua:
