Astelenita 2016

Tolosako inauteriak badu harrobia

Tolosaldeko Ataria 2016ko ots. 8a, 19:14

Inork protagonismoa badu Astelenita egunez, aisialdi taldeko ume eta gaztetxoak dira. Asteak eman dituzte mozorroa prestatzen eta euren irakasle, guraso eta herritarren aurrean eskainiko dituzten dantzan entseatzen. Iritsi zen eguna eta eguraldi bikaina lagun zutela, beste behin ere erakutsi zuten inauteriak baduela harrobia.

San Bernardo scout taldeak irlandarren itxura hartu dute aterata duten konpartsan. Aisialdi taldeek osatutako desfilea zabaltzen lehenak izan dira.

Ibarrako Txiribitu aisialdi taldeak mazedonia ederra osatu du Astelenita egunez eta anana, marrubia, mahatsa, sagarra, kiwia, platanoa, laranja eta sandiaz bete zuten San Frantzisko ibiltokia.

Beldurra baino irri gehiago sortarazi dute Ttenttek aisialdi taldekoek euren mozorroekin. Adams familiako sei pertsonaiez mozorrotu dira Astelenita egunez.

Berenjenak, tomateak, azenarioak, piperrak, behiak eta oilarrak ikus ahal izan dira gaur Tolosan. Kazkabarra aisialdi taldeko 400dik gora kideek dantzatu dituzte mozorroak egun osoan zehar. 

Lehoi erregea buru dutela, Atsedena aisialdi taldeko zebrak, jirafak eta hienak osatu dute Astelenita eguneko segizioa. Doinu afrikarrak hautatu dituzte dantzarako. 

Eguraldi txarrik ez dago gaur Tolosako inauterietan, baina ipar polotik etorritako pinguinoek hartu dituzte kaleak. Kirikiñokoek hilabeetan prestatu dituzten dantzak erakutsi dituzte jende aurrean.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!