Sexu erasoa salatzeko elkarretaratzea deitu du Bilgune Feministak

Tolosaldeko Ataria 2016ko ots. 8a, 20:22

Bihar, asteartita eguna, 19:00etan Triangulon elkartzeko deia luzatu diete herritarrei sexu erasoa salatzeko. Erasoen aurrean autodefentsa feminista. Erasotzaileak kanpora leloa eramango du protestak.

Eusko Jaurlaritzako Segurtasun Sailak eman du igande goizaldean gertatutako erasoaren berri. Tolosako taberna batean gertatu zen gizonezko bat emakume batengana gerturatu eta ukituak egin zizkionean. Andreak bultzaka gainetik kendu zuen gizona, baina hura itzuli eta berriro egin zizkion ukituak. Beste taberna batean zegoela, berriz ere erasotu zuen gizonezkoak eta andreak Ertzaintzara deitu, egoeraren berri eman eta salaketa jarri zuen.

Ertzainek minutu batzuk geroago topatu zuten erasotzailea Ibaiondo kalean, eta atxilo hartu zuten. Sexu abusuak egitea egotzita atzeman zuten. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!