Euskal Herriko txapelaren bila, Otaño, Irazu eta Otaegi

Asier Imaz 2014ko urr. 24a, 11:32

Lehen mailako aizkora txapelketaren finala igandean jokatuko da Beasainen, 12:00etan.
Joxe Anjel Sarasolak aztertu du aizkolari bakoitza:

Euskal Herriko Aizkora Txapelketaren finala jokatuko da igandean Beasainen, 12:00etan, pilotalekuan. Lehen mailakoaren finala da, eta sei aizkolari egongo dira bertan. Horietatik hiru, eskualdekoak: Jon Irazu eta Joseba Otaegi zizurkildarrak, eta Unai Otaño ibartarra. Beste hiru aurkariak Aitzol Atutxa, Iñaki Azurmendi eta Joxemari Olasagasti izango dira.

Alde batetik azken urteetako aizkolaririk onenaren hutsunea azpimarratu behar da. Floren Nazabal handia ez da egongo Beasainen, bizkarreko minarekin jarraitzen baitu naparrak. Finalerako sailkatzea lortu zuen Nazabalek, baina ez lesiotik errekuperatzea.

Bestalde, faboritoei dagokienez, bi izen nabarmendu behar dira: etxean jokatzen duen Iñaki Azurmendi eta Aitzol Atutxa bizkaitarra. Horiei aurka egiteko gogoz joango dira beste lau aizkolariak. Eskualdekoekin batera, Joxemari Olasagasti egongo da, eta igeldoarraren beroaldiak kontuan hartzekoak izaten direnez... kontuz!

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!