Azken egun hauetan Tolosako Plaza Berriak ikusmina sortu du. Asteazkenetik hasi eta gaur bitarte 18 talde misto aritu dira hondar gainean partidak jokatzen. Gaur arratsaldean, 16:00etan hasiko dira azken partidak eta tartean, 18:30ak aldera, erakustaldi partida bat ere egongo da Donostiako Bera Bera taldearen eskutik. Arratsaldean zehar, finalerdiak jokatuko dituzte eta final handiarekin amaituko dute txapelketa.
Festa ez da hor amaituko ordea, Zerkausian afaria antolatu baitute. Txapelketan parte hartzen ez dutenak ere joan daitezke afaltzera nahi izanez gero. Afarirako tiketak, Ikatza tabernan daude salgai.