Hileko azken ostirala izaki, Etxerat euskal preso eta iheslarien senideen elkarteak elkarretaratzeak deitu ditu gaurko. Lourdes Azurmendi eta Maialen Geresta Ander Geresta presoaren ama eta arreba izan ditugu Ataria irratian.
Zizurkildarra Lugoko (Espainia) espetxean, 700 kilometroko distantziara dago une honetan, eta ekainaren 6an geratuko da aske.
Gogotsu daude egun hori iritsiko zain, baina, urduritasunarekin ere bizi dute, "edozein aldaketak atzeratu egin baitezake data hori". Bestalde, "herri honetan zerbait lortuko bada, denen artean izango da", adierazi dute. Beste zizurkildar bat, Mikel Egibar, Zaragozako (Espainia) espetxean preso, maiatzaren 23an geratuko dela libre ere gogoratu dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!