Zizurkilgo Binakako Pilota Txapelketa azken 15 egunetan sartuko da

Asier Imaz 2015ko aza. 25a, 16:50

Zizurkilgo pilota txapelketaren V.en edizioa azken txanpan sartu da. Igande honetan bost partida jokatuko dira Intxaur pilotalekuan, 09:30ean hasita.

Lehen partida, infantilen finalerdiei dagokiena izango da: Egiguren-Labaka azpeitiarrek, Egiguren-Elosegi herritarren aurka jokatuko dute. Ondorengo lau partidak final laurdenetakoak izango dira: alebinen eta infatilen mailakoak.

Igandean, eskualdeko lau pilotari ikusteko aukera egongo da Zizurkilen. Jaialdiko bigarren partidan, alebinetan, Lanzeta-Agirre asteasuarrek jokatuko dute, Sasiain-Eizagirre sestoarren aurka. Azken partidan, aldiz, Esteban-Zubeldia bikote altzotarrak jokatuko du, infantiletan, Urretxuko Izagirre-Garciaren aurka.
Txapelketaren hurrengo jardunaldia abenduaren 6an izango da, ostiralez. Asteburu luzea izaki, abenduaren 8an ere txapelketako partidak jokatuko dituzte Intxaur pilotalekuan. Finalera begira, kontuak eta bikoteak argi geratuko dira. Ondorioz, Eskuz Binakako Zizurkilgo V. Txapelketaren finalak abenduaren 13an jokatuko dira, igandez, Zizurkil Goian, lau mailatan. Hau da, benjaminen, alebinen, infantilen eta kadeteen mailan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!