Amezketako Aralar paper fabrikaren parean uraren saneamendu sarean lanak egiten ari direla-eta, errepidean semaforoz txandakatuta pasa beharko dute ibilgailuek.
Udaletik azaldu dutenez lanek «ahalik eta eragozpen gutxien» eragin dezaten ahalegintzen ari dira eta, horregatik, eskolako eta papertegi barruko eremuak udako hilabeteetan egin nahi dituzte, umeen oporraldia eta paper fabrikaren itxiera aprobetxatuz.
Herritarrei «pazientzia» eskatu diete: «Herriarentzat garrantzitsuak diren egokitzapen lan hauek denei eragiten dizkigute eragozpenak, baina egin beharreko hobekuntzak direnez, pazientzia eskatzen dizuegu herritar guztiei».