Harituz bertso taldeko hainbat kide Gipuzkoako Bertsolari Txapelketarako prestatzen ari dira, eta Abaltzisketan egingo dute emanaldia, Alegian egin ondoren.
Apirilaren 29an izango da emanaldia, 20:30ean, Goibegi eraikinean. Bertan izango dira Beñat Iguaran, Mikel Artola, Iñigo Gorostarzu Etxorde, Haritz Mujika, Oihana Iguaran eta Imanol Irazustabarrena. Gai-jartzaile Iker Iriarte ariko da, txapelketan ere lan horretan ariko dena.
Gipuzkoako Bertsolari Txapelketan izango diren ariketak egiten ariko dira saioan bertan. Harituzeko kideek jendearen aurrean trebatu nahi dute ariketa horiek eginez, eta horregatik ari dira antolatzen emanaldiak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!