Tolosaldea interneten

Zaldiak lasterka, gazteak desafioan

Andoni Uzkudun 2016-08-28 19:35   Festak  Bidania-Goiatz

Ikuskizunez beteriko arratsaldea izan da Bidanian. Lehenik, zaldi lasterketak izan dira eta ondoren, Bidania eta Errezilgo gazteen arteko desafioa. Gaur amaituko dira Bidaniako San Bartolome jaiak.

»» Ikusi argazki guztiak (161)

Festei amaiera kuadrilla artean

Andoni Uzkudun 2016-08-28 13:27   Festak  Ibarra

Gaurkoan kuadrilla eguna ari dira ospatzen Ibarrako San Bartolome jaietan. 12:00etan ekin diote kalejirari Bonberenea txaranga eta Giroarte dultzaian taldeak alaiturik eta egun guztiko egitarau luzea dute aurretik. 

»» Ikusi argazki guztiak (75)

Ezin kirolik falta Ibarran

Eneritz Maiz 2016-08-27 19:19   Festak  Ibarra

Ibarrako jaietan Kirolaren Eguna dute gaur, eta kirol ezberdinez gozatzeko aukera izan da. 3x3 Futbol Txapelketa, Toka eta Bola Txapelketa, Xake gunea, herri kirolak edota pilota partidak.

»» Ikusi argazki guztiak (64)

Kirolak hartu du festa

Eneritz Maiz 2016-08-27 16:56   Festak  Bidania-Goiatz

Bidaniako festetan goiza kirolari eskainia izan da. Alde batetik, Toka eta Bola Txapelketak, eta bestetik, herriko txikiek futbol partidak jokatu dituzte. Gainera, egun guztian zehar usakume tiraketa ere izango da.

»» Ikusi argazki guztiak (62)

Igerilekuaren beharrik ez Berrobin

Eneritz Maiz 2016-08-26 19:30   Festak  Berrobi

Umeek ederki pasa dute eguna Berrobiko jaietan. Ekitaldi ugari izan dituzte beraientzat, baina izarra pilotalekuko aldapan jarri dieten irristaketa arranpa akuatikoa izan da. Nagusiek ere inbidiaz begiratu diete txikienei.  

»» Ikusi argazki guztiak (76)

Pilotalekua kuadrillen kolorez beteta

Eneritz Maiz 2016-08-26 15:57   Festak  Amezketa

Kuadrillen eguna dute Amezketan, eta ederki bazkaldu dute pilotalekuan sartuta. Kolore ezberdinez jantzita, adinak ez du axola eta kuadrillak festa giroaz gozatzen ari dira herriko jaietan.

»» Ikusi argazki guztiak (26)

Antzezten ere fin ibili dira

A. Uzkudun/I. Otaegi 2016-08-26 12:58   Festak  Ibarra

Goizeroko dianaren ondoren, antzerki emanaldiak izan dira Ibarrako kaleetan barrena. Lehenik, hamaiketakoa egin dute eta ondoren antzezteko garaia iritsi zaie. Antzerkiaz gain, Giroarte dultzaina taldea eta Ibarrako trikitilariek, are gehiago alaitu dute jai giroa.

»» Ikusi argazki guztiak (30)

Berrobi festan murgildu da

Andoni Uzkudun 2016-08-25 18:12   Festak  Berrobi

Abuztuko azkenengo jaiei hasiera eman zaie Berrobin. Sanagustin jaiak, gaurtik igandera bitarte luzatuko dira eta ez da egongo aspertzeko betarik. Txupina lehertzearekin batera hasi da festa Berrobitar guztientzat.

»» Ikusi argazki guztiak (24)

Telletxea, Amundarain eta Goitiarentzat jokoan zegoen ohorea

Eneritz Maiz 2016-08-25 16:51   Festak  Amezketa

Amezketako plaza jendez bete da bi talderen arteko desafioa ikusteko. Ergometroan, bizikletan eta korrika lanak bukatzen azkarrenak Zuhara Telletxea, Ibai Amundarain eta Eneko Goitia izan dira. 45 minutu eta 12 segundo behar izan dituzte jokoan zuten ohorea irabazteko. 40 segundo gehiago behar izan ditu Uxue Zuriarrain, Imanol Artola Felix eta Julen Goñi hirukoteak.

»» Ikusi argazki guztiak (87)

Gazteen festa egarriak ez du etenik

A. Uzkudun/I. Otaegi 2016-08-25 12:58   Festak  Ibarra

Diana goiztiarraren ostean, Gorritiren animaliek hartu dute San Bartolome plaza. Gaztetxoek latz disfrutatu dute animaliekin; besteak beste, zezen txiki edota poneyekin. Ibarrako Gazte Asanbladak, patata tortilla txapelketa antolatu du; gazte ugari aritu dira sukaldean.

»» Ikusi argazki guztiak (31)

Mezaren osteko dantza

Andoni Uzkudun 2016-08-28 13:21   Festak  Berrobi

Berrobiko haurrek, dantza eskaini diete herritarrei eta udaleko zinegotziei. Meza nagusiaren ostean, elizako atarian dantzatu dute herriko txikienek. Gaur amaituko dira San Agustin jaiak baina izango dute zer ospatu gaurkoan ere. Irailaren 10ean, BerroBIRA jokatuko da.

»» Ikusi argazki guztiak (21)

Artzaina eta txakurraren artea Amezketan

Eneritz Maiz 2016-08-27 20:11   Festak  Amezketa

Amezketako festak ia azkenera iristen ari dira. Azken eguna dute gaur, eta goizeko dantza emanaldiaz gain, arratsaldean artzain txakurren erakustaldia ikusi ahal izan dute bertaratuek.

»» Ikusi argazki guztiak (48)

Paella lehiaketa, kuadrillak elkartzeko aitzakia

Eneritz Maiz 2016-08-27 15:37   Festak  Berrobi

Bezperako ajeak alde batera utzi, eta Berrobiko hainbat kuadrilla pilotalekuan elkartu dira bazkaltzeko paellak prestatzeko.

»» Ikusi argazki guztiak (9)

Adio haur sahararrei

Iñigo Otaegi 2016-08-26 19:59   gizartea  Tolosaldea

Amaitu zaie oporraldia, Tindoufeko errefuxiatu kanpamentuetatik etorritako 23 umeei. Merezitako agurra eskaini zaie, ordea; izan ere, era askotako jolasekin dibertitzeko abagunea izan dute, Zerkausian. Xahututako energiak berreskuratzeko askaria izan dute, ondoren.

»» Ikusi argazki guztiak (28)

Ikuskizun handia Bidaniako frontoian

Andoni Uzkudun 2016-08-26 18:46   Festak  Bidania-Goiatz

Azken egunetako frontenis eta pala txapelketei amaiera eman zaie gaur Bidaniako frontoian. Neskek eta mutilek, ikuskizun ederra eskaini dute eta animoak ez dira falta izan frontoiko harmailetan.

»» Ikusi argazki guztiak (61)

Lekeitioko San Antolin jaien kartela, Lara Aranzabalena

Tolosaldeko Ataria 2016-08-26 13:10   Festak  Tolosa

Lara Aranzabal tolosarrak irabazi du Lekeitioko San Antolin jaietako kartel lehiaketa.

Bazkide izateko kanpaina abian da

Tolosaldeko Ataria 2016-08-26 10:44   kirola  Tolosa

Denboraldi berria hastear dela, Tolosa CF-k bazkide izateko kanpaina abiarazi du. Bazkide izateko 24 euro ordaindu behar dira, eta 2016 urte bukaerarainoko partida guztiak ikusi ahal izango dira. Horrez gain, Tolosako dendetan zenbait beherapenez gozatzeko aukera izango da.

Berrikuntzen arratsaldea

Iñigo Otaegi 2016-08-25 19:26   Festak  Ibarra

Ibarrako jaien hirugarren eguna da gaur, eta berrikuntzez jositako egitaraua izan dute. Izan ere, Ibarran lehen aldiz antolatu diren ekitaldiak izan dira protagonista. 16:00etan, Jumpfit saioa izan da eguzkipean; 18:00etan, Ibarrako Gazte Asanbladak antolatutako I. Gazte Eguna ospatu dute jolasak eginez; azkenik, Ibarrako Merkatarien Elkarteak antolatutako koktel erakustaldia izan da herriko plazan.

»» Ikusi argazki guztiak (30)

Txakolin fresko mozorrotua

Eneritz Maiz 2016-08-25 18:04   Festak  Amezketa

Mozorro Eguna dute gaur Amezketako festetan, eta txiki eta heldu mozorrotuta atera dira kalera. Bero izugarria eginagatik ere, ile ordeek ez dute hutsik egin. Helduenek, ordea, beroari aurre txakolina edanez egin diote. Txakolin dastaketa izan dute pilotalekuan.

»» Ikusi argazki guztiak (40)

Eguna kirola eginez hasi dute Amezketan

A. Uzkudun 2016-08-24 13:42   Festak  Amezketa

12:30ean, herriko haur eta gaztetxoen eskutik, herri kirolak izan dira plazan. Ondoren, Idoia Etxeberria eta Joseba Ostolaza aritu dira harria jasotzen; Ugaitz Mugertza eta Iñaki Azurmendi aizkoran aritu dira.

»» Ikusi argazki guztiak (45)

ZERBITZU GIDAKO PRODUKTUAK

PINTXOAK
MENU BEREZIA
TABLET KONPONKETAK
OINETAKO EGOKIAK
DIA
DIA ZIZURKIL
ESTETIKA ESKAINTZAK

Zorion agurrak

Urte askoan Aimar!

Urte askoan Aimar!

2 urte - Abuztuak 05
Zorionak Oskar!

Zorionak Oskar!

Abuztuak 02
Urte askoan Itzai!

Urte askoan Itzai!

2 urte - Uztailak 15
Urte askoan Aitor!

Urte askoan Aitor!

Uztailak 01
Zorionak Aitor!

Zorionak Aitor!

Uztailak 01
Cookie-ak erabiltzen ditugu, baina datu pertsonalak ez ditugu gordetzen. Onartu
Informazio gehiago