Tolosaldea interneten

Igerilekuaren beharrik ez Berrobin

Eneritz Maiz 2016-08-26 19:30   Festak  Berrobi

Umeek ederki pasa dute eguna Berrobiko jaietan. Ekitaldi ugari izan dituzte beraientzat, baina izarra pilotalekuko aldapan jarri dieten irristaketa arranpa akuatikoa izan da. Nagusiek ere inbidiaz begiratu diete txikienei.  

»» Ikusi argazki guztiak (76)

Pilotalekua kuadrillen kolorez beteta

Eneritz Maiz 2016-08-26 15:57   Festak  Amezketa

Kuadrillen eguna dute Amezketan, eta ederki bazkaldu dute pilotalekuan sartuta. Kolore ezberdinez jantzita, adinak ez du axola eta kuadrillak festa giroaz gozatzen ari dira herriko jaietan.

»» Ikusi argazki guztiak (26)

Antzezten ere fin ibili dira

A. Uzkudun/I. Otaegi 2016-08-26 12:58   Festak  Ibarra

Goizeroko dianaren ondoren, antzerki emanaldiak izan dira Ibarrako kaleetan barrena. Lehenik, hamaiketakoa egin dute eta ondoren antzezteko garaia iritsi zaie. Antzerkiaz gain, Giroarte dultzaina taldea eta Ibarrako trikitilariek, are gehiago alaitu dute jai giroa.

»» Ikusi argazki guztiak (30)

Berrobi festan murgildu da

Andoni Uzkudun 2016-08-25 18:12   Festak  Berrobi

Abuztuko azkenengo jaiei hasiera eman zaie Berrobin. Sanagustin jaiak, gaurtik igandera bitarte luzatuko dira eta ez da egongo aspertzeko betarik. Txupina lehertzearekin batera hasi da festa Berrobitar guztientzat.

»» Ikusi argazki guztiak (24)

Telletxea, Amundarain eta Goitiarentzat jokoan zegoen ohorea

Eneritz Maiz 2016-08-25 16:51   Festak  Amezketa

Amezketako plaza jendez bete da bi talderen arteko desafioa ikusteko. Ergometroan, bizikletan eta korrika lanak bukatzen azkarrenak Zuhara Telletxea, Ibai Amundarain eta Eneko Goitia izan dira. 45 minutu eta 12 segundo behar izan dituzte jokoan zuten ohorea irabazteko. 40 segundo gehiago behar izan ditu Uxue Zuriarrain, Imanol Artola Felix eta Julen Goñi hirukoteak.

»» Ikusi argazki guztiak (87)

Gazteen festa egarriak ez du etenik

A. Uzkudun/I. Otaegi 2016-08-25 12:58   Festak  Ibarra

Diana goiztiarraren ostean, Gorritiren animaliek hartu dute San Bartolome plaza. Gaztetxoek latz disfrutatu dute animaliekin; besteak beste, zezen txiki edota poneyekin. Ibarrako Gazte Asanbladak, patata tortilla txapelketa antolatu du; gazte ugari aritu dira sukaldean.

»» Ikusi argazki guztiak (31)

Herriko semea bultzatzen

A. Uzkudun/I. Otaegi 2016-08-24 19:42   Festak  Amezketa

San Bartolome egunez, pilota partidak izan dira Amezketako Larrunarri pilotalekuan. Herriko pilotariak jokatu du, eta jende andana bildu da herritarra animatzera. Xabier Tolosarekin osatu du bikotea, eta Mendizabal III.a eta Barriolaren aurka jokatu dute; baina, eskualdeko bikoteak ezin izan du partida aurrera atera, 22-14 galduta. Lehen partidan, Ugalde eta Erostarbe aritu dira nor baino nor, Jaka eta Urruzolaren aurka; 22-21 galdu dute eskualdeko ordezkariek.

»» Ikusi argazki guztiak (36)

Gazte eta heldu, Bidania dantzan

A. Uzkudun 2016-08-24 14:02   Festak  Bidania-Goiatz

Ohiko meza nagusiaren ostean, herriko dantzariek hartu dute Bidaniko plaza. Helduentzako hamaiketakoari bide emateko, dantzari dantza eta zinta dantza dantzatu dituzte, besteak beste.

»» Ikusi argazki guztiak (56)

Bertako esentzia ezagutaraziz

Iñigo Otaegi 2016-08-24 13:32   Festak  Ibarra

San Bartolome eguna dute gaur Ibarran, eta herriko produktuak ezagutzera emateko baliatu dute goiza. Izan ere, 12:00etan, herriko baratzezainek, piperrak eta tomateak eskaini eta zerbitzatu dituzte; jende andana bildu da janaren bueltan. Baina, gastronomiari tartea zabaldu aurretik, haurren danborra hotsek girotu dituzte Ibarrako kaleak.

»» Ikusi argazki guztiak (36)

Gaztetxoen iskanbila nagusi

Iñigo Otaegi 2016-08-23 18:29   Festak  Ibarra

Ederki gozatu dute herriko haurrek, festetako lehen arratsean. Lehenik, era guztietako jolasak egin dituzte herriko plazan, Txiribitu Astialdi Taldearen eskutik; segidan, aparrarekin jostatzeko parada izan dute.

»» Ikusi argazki guztiak (34)

Paella lehiaketa, kuadrillak elkartzeko aitzakia

Eneritz Maiz 2016-08-27 15:37   Festak  Berrobi

Bezperako ajeak alde batera utzi, eta Berrobiko hainbat kuadrilla pilotalekuan elkartu dira bazkaltzeko paellak prestatzeko.

»» Ikusi argazki guztiak (9)

Adio haur sahararrei

Iñigo Otaegi 2016-08-26 19:59   gizartea  Tolosaldea

Amaitu zaie oporraldia, Tindoufeko errefuxiatu kanpamentuetatik etorritako 23 umeei. Merezitako agurra eskaini zaie, ordea; izan ere, era askotako jolasekin dibertitzeko abagunea izan dute, Zerkausian. Xahututako energiak berreskuratzeko askaria izan dute, ondoren.

»» Ikusi argazki guztiak (28)

Ikuskizun handia Bidaniako frontoian

Andoni Uzkudun 2016-08-26 18:46   Festak  Bidania-Goiatz

Azken egunetako frontenis eta pala txapelketei amaiera eman zaie gaur Bidaniako frontoian. Neskek eta mutilek, ikuskizun ederra eskaini dute eta animoak ez dira falta izan frontoiko harmailetan.

»» Ikusi argazki guztiak (61)

Lekeitioko San Antolin jaien kartela, Lara Aranzabalena

Tolosaldeko Ataria 2016-08-26 13:10   Festak  Tolosa

Lara Aranzabal tolosarrak irabazi du Lekeitioko San Antolin jaietako kartel lehiaketa.

Bazkide izateko kanpaina abian da

Tolosaldeko Ataria 2016-08-26 10:44   kirola  Tolosa

Denboraldi berria hastear dela, Tolosa CF-k bazkide izateko kanpaina abiarazi du. Bazkide izateko 24 euro ordaindu behar dira, eta 2016 urte bukaerarainoko partida guztiak ikusi ahal izango dira. Horrez gain, Tolosako dendetan zenbait beherapenez gozatzeko aukera izango da.

Berrikuntzen arratsaldea

Iñigo Otaegi 2016-08-25 19:26   Festak  Ibarra

Ibarrako jaien hirugarren eguna da gaur, eta berrikuntzez jositako egitaraua izan dute. Izan ere, Ibarran lehen aldiz antolatu diren ekitaldiak izan dira protagonista. 16:00etan, Jumpfit saioa izan da eguzkipean; 18:00etan, Ibarrako Gazte Asanbladak antolatutako I. Gazte Eguna ospatu dute jolasak eginez; azkenik, Ibarrako Merkatarien Elkarteak antolatutako koktel erakustaldia izan da herriko plazan.

»» Ikusi argazki guztiak (30)

Txakolin fresko mozorrotua

Eneritz Maiz 2016-08-25 18:04   Festak  Amezketa

Mozorro Eguna dute gaur Amezketako festetan, eta txiki eta heldu mozorrotuta atera dira kalera. Bero izugarria eginagatik ere, ile ordeek ez dute hutsik egin. Helduenek, ordea, beroari aurre txakolina edanez egin diote. Txakolin dastaketa izan dute pilotalekuan.

»» Ikusi argazki guztiak (40)

Eguna kirola eginez hasi dute Amezketan

A. Uzkudun 2016-08-24 13:42   Festak  Amezketa

12:30ean, herriko haur eta gaztetxoen eskutik, herri kirolak izan dira plazan. Ondoren, Idoia Etxeberria eta Joseba Ostolaza aritu dira harria jasotzen; Ugaitz Mugertza eta Iñaki Azurmendi aizkoran aritu dira.

»» Ikusi argazki guztiak (45)

Hasi dira San Bartolome jaiak Bidanian

Andoni Uzkudun 2016-08-23 17:01   Festak  Bidania-Goiatz

Gaurtik hasi eta igandera bitarte luzatuko dira Bidaniako San Bartolome jaiak. Gaurkoan, txikiteo herrikoia eta ume jolasak izan dira, gauean berriz, Angel Mari Peñagarikano eta Julio Soto izango dira afaria alaitzen. Ondoren, Gabanera taldea ariko da oholtza gainean.

»» Ikusi argazki guztiak (18)

Eulia jaitsi aurretik, haurren dibertsioa

A. Uzkudun/I. Otaegi 2016-08-23 13:04   Festak  Amezketa

Festen lehen eguna izateaz gain, Umeen Eguna ere bada gaurkoa, Amezketan. 11:00etan hasita, puzgarriak eta jolasak izan dituzte 13:00ak bitarte, jostaketarako gogoak asetzeko.

»» Ikusi argazki guztiak (16)

ZERBITZU GIDAKO PRODUKTUAK

ETXEGINTZA ENPRESA
TABERNA
IOGURRAK
AKUPUNTURA
OKINDEGIA
KARTAK

Zorion agurrak

Urte askoan Aimar!

Urte askoan Aimar!

2 urte - Abuztuak 05
Zorionak Oskar!

Zorionak Oskar!

Abuztuak 02
Urte askoan Itzai!

Urte askoan Itzai!

2 urte - Uztailak 15
Urte askoan Aitor!

Urte askoan Aitor!

Uztailak 01
Zorionak Aitor!

Zorionak Aitor!

Uztailak 01
Cookie-ak erabiltzen ditugu, baina datu pertsonalak ez ditugu gordetzen. Onartu
Informazio gehiago