Hondakinak gaika sailkatzeko bi txabola erre dituzte denbora gutxian. Lehena, urtarrilean erre zuten, eta bigarrena, astelehen honetan bertan. Sua 21:30ak inguruan piztua izan zen, aurrekoan gertatu bezala eta horrek eragindako suteak izan direla pentsarazten die Udaleko arduradunei.
Guzti honek bilketa sistemaren inguruan erabakiak hartzera behartu du udala. Honetaz guztiaz eztabaidatzeko eta egoeraren berri emateko ezinbestekoa ikusi dute herri batzar bat egitea. Astelehenean izango da, 19:30ean, Kultur aretoan. Bi txaboletara hondakinak eramaten zituzten herritarrak batzarrera joatea bereziki komenigarria da. Astelehenera bitarte hondakinak txabola honetara eramaten zituzten herritarrek errefusa orain arte bezala kuboetan atera behar dituzte.
Egoera honen aurrean herri batzarra egitea erabaki dute, astelehenean 19:30ean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!