Galtzaundik eta Altzoko kultura batzordeak elkarrekin antolatu duten euskararen historiaren inguruko ikastaroan aritu da Blanca Urgell EHUko doktorea. Euskara, jalgi hadi kanpora, XI-XVIII. mendeak hitzaldia eman du.
Euskararen historiaren inguruan Altzon eskaintzen ari diren ikastaroaren barruan, Euskara, jalgi hadi kanpora, XI-XVIII. mendeak hitzaldia eskaini zuen larunbatean Blanca Urgell euskal filologian EHUn doktore denak.
Erdi Aroko euskara, euskara arkaikoa, euskara zahar edo klasikoa eta lehen euskara modernoa izan zituen hizpide irakasleak, garai ezberdinetako lekukotzak aipagai hartuta. Nafarroako erreinuaren loraldia eta gainbehera, Iberiar penintsulako erreinuen arteko gatazkak eta Frantziako iraultza ezagutuko ditu aldi honek. Giro nahasi eta zailean, euskara idatziaren aroa zabalduko da XVI. mendean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
