Bigarren saioa Joseba Tapiak (Lasarte, 1964) hasi du eta musikak ganbaratik akademiara edo entsegu lokaletatik musika eskoletara egiten duen bidearen kezka izan du hizpide. Ondoren Jon Sarasuaren (Aretxabaleta, 1966) txanda izan da, eta bertsolaritzan zein beste jardueretan transmisioak duen garrantziaz hitz egin du. Azken hizlariak, Antton Lukuk (San Francisco, AEB, 1959) Euskal kultura? eta Libertitzeaz liburuetan bildutako ideiak ekarri ditu Mintzolara antzerkiaren trasmisioaz aritzeko. Bukatzeko hiruek generoen transmisioaren inguruko mahai ingurua egin dute.
Hirugarren jardunaldian ere hiru hizlari ariko dira. Xabier Amuriza bertsolaritzaren transmisioaz ariko da, Antton Irusta ipuinen transmisioaz eta Miren Artetxe gazteen hizkuntza erabileran bertsolaritzaren transmisioak duen eraginaz. Xabier eta Miren Amurizaren bertso saioarekin bukatuko dute eguna.