Zer dela eta eman dizuete txupinazoa botatzeko aukera?
Duela 25 urte, gure kuadrilako 50 bat kideok Sanpedroetarako bluxa egitea erabaki genuen herriari bizitasuna emateko. Beste kuadrillaren batek edo bestek jantzi du, baina guk jarraitu diogu ohiturari. Hori da beste kuadrilletatik ezberdintzen gaituena, eta horregatik eskaini digute txupinazoa botatzeko aukera.
Ez zarete bakarrik egongo, ordea, udaleko balkoian.
Ez, gure kuadrilako 15 bat kide igoko gara, eta sorgina ere bertan izango da. Aurten, gainera, sorginari ere gure bluxa jantziko diogu.
Sorginaren konpainia onean, zuek ere baliatuko dituzue herriko festak sorginduta ibiltzeko, ezta?
Bai, bai. Sorginduta ibiltzeko egunak izaten dira herriko festak, eta herritarrak ere gonbidatzen ditugu horrela egin dezaten.
Zein da Asteasuko festetatik gehien gustatzen zaizuen eguna?
Kuadrillen Eguna, dudarik gabe. Urtean zahar kuadrilla bakoitza bere martxan ibiltzen da, eta elkartzeko egun ederra zaten da. Kuadrillen artean oso giro ona sortzen da.
Zergatik joan behar dute eskualdeko herritarrek Asteasuko Sanpedrotara?
Oso giro eta anbiente ona izaten delako. Aurten, gainera, Udalak apustu handia egin du: larunbatean Vendetta taldeak joko du eta autobus zerbitzua izango da Tolosara, 00:00etatik 7:00etara.