Berastegiko Gaztelekura sartu gara Gazteen Lekutik saioan, hango gazteek kontatzeko dutena entzutera. Zortzi gazte jarri dira mikrofono aurrean, eta baita Garazi Otxandorena hezitzailea ere. Hamaika gairen bueltan aritu gara, patxadaz: Gaztelekuaren kokapenaz, funtzionamenduaz, gazteek herrian duten lekuaz, musikaz...
Nola bizi dira Berastegiko gazteak? Zein aukera dituzte herrian? Zer eskaintzen die Gaztelekuak? Nola ikusten dute etorkizuna? Zer musika entzuten dute Berastegiko gazteek?... Beste hainbeste galderei erantzunak aurkitzen saiatu dira, besteak beste, Jon Lasa, Enaitz Zubillaga, Laida Malkorra, Irati Zuloaga, Nahikari Zubillaga, Garazi Labaien, Lorditz Garmendia eta Joanes Zuriarrain.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!