Berrobiko XXII. Ion Ander Izagirre Frontenis Txapelketa larunbatean amaitu zen. Lau mailatan lau final jokatu ziren, eta banakakoan, Xabi Zubiriak jantzi zuen txapela, Odei Arregiri 30-21 irabazi ostean. Iazko finalaren errepikapena izan zen, nahiz eta oraingoan, emaitzak alderantzizko garailea erakutsi. Aipatu, Xabi Zubiriak 16 urte besterik ez dituela. Binakakoan, mutiletan, Xabi Romero eta Edu Lobato nagusitu ziren; nesketan, Arantzazu Rodas eta Mireia Lezea, eta mistoetan, Arantzazu Rodas eta Odei Arregi.
Txapelketaren antolatzaileak partiden maila altua nabarmendu nahi izan dute. Parte hartzeari dagokionez, iazkoaren paretsukoa izan dela esan dute.