Ibarratik Misio Taldeak bere batzar orokorra egingo du urriaren 7an, parrokiko lokaletan (San Bartolome plaza 3, baxua), 19:30ean lehenengo deialdian, eta 20:00etan bigarrenean. Interesa duten guztiak bertara gonbidatu ditu taldeak.
Batzar horretan gai hauek landuko dituzte: 2013ko balantze ekonomikoa, 2013an finantzatutako proiektuen aurkezpena, zuzendariko batzarren aldaketa eta erregu-galderak.
Ibarratik Misio Taldea 1997an sortu zen, eta ordutik irabazi asmorik gabeko hainbat proiektu dituzte martxan. 2013an, esate baterako, India, Honduras eta Ekuadorren garatu dituzte hainbat proiektu.
Piperraren azokako zozketa
Ibarratik Misio Taldeak irailaren 21ean egindako piperraren azokan zozketatutako saskiaren irabazlea jada badakite zein den. 572 zenbakia izan zen zenbaki sariduna, eta zenbakiaren jabea Iñigo Arregi tolosarra izan zen.