Ibarrako teknikaria, Oñatiko Udal Gazteria teknikari den Ion Lopez eta Bedizzoleko Arcus Arte e Cultura Sociale elkarteko koordinatzaile teknikoa den Irene Calzonare bildu dira Polpenazze del Garda (Brescia-Italia) herrian. Topaketan, besteak beste, hilaren 10etik 15era bitarte egingo duten gazte elkartrukearen azken zehaztapenak adostu dituzte. Abenduan Ibarra eta Oñatiko gazteek Italiara egingo duten bidaiaren inguruko hainbat gauza adosteaz gain, egonaldia burutuko den aterpetxea zein den eta inguruak ezagutzeko aukera izan dute teknikari gipuzkoarrek.
Hain zuzen, Garda laku ezagunaren bueltan dagoen Manerba del Garda herrian izango dira Oñati eta Ibarrako gazteak datorren abenduan. Teknikariek azaldu dute kulturartekotasuna oinarri duen Cultural Shake Erasmus+ proiektuarekin jatorri soziokultural eta ingurune ezberdinetako gazteek elkarren artean jardun eta elkarrengandik ikasi dezaten nahi dela. Datorren asteartean, urriak 10, Ibarra, Oñati eta Bedizzoleko 45 gazte eta hezitzaile elkartuko dira Gipuzkoan Cultural Shake proiektuari dagokion bost eguneko elkartrukea burutzeko.
Ibarrako Gaztezulo zerbitzuak Europako Erasmus+ proiektuan parte hartuko du, lehen aldiz, eta proiektuaren barruan Ibarrako Kultura eta Gazteria teknikaria den Nekane Azurmendi izan da Polpenazze del Garda herrian, elkartrukearen azken kontuak zehazteko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!