30 urte bete ditu Ibarrako Gazte Asanbladak eta hori horrela izanik, egun osoko ospakizuna prestatu dute ibartarrek. Hasierako ekintza plazako estalpean egin dute. Lau talde osatu dituzte, adina kontuan hartuta, eta baita kolorez ezberdindu ere. Belaunaldi bakoitzari zapi kolore bat egokitu zaio: arrosa, morea, gorria eta laranja. Ondoren, talde bakoitzak, gerrarako ohiu bat prestatu behar izan du, eta jarraian, lehiari ekin diote. Koxkor biltzen, zaku karreran, txingatan, sokatiran ibili dira goizean zehar, Gazte Asanbladako kideak.
Eguna berriz, luzea izango dute, eta 30. urteurrenaren ospakizunak ez du etenik izango goizaldera arte:
- 14:30. Bazkaria.
- 19:00. Sagardo dastaketa.
- 21:00. Afaria, bertsolariek girotuta, Gaztetxean.
- 22:30. Ekitaldia.
- 23:00. Kontzertuak: Labankada, Iltze eta DJ Bikaña.