Kiroldegia jendez bete zen eta jaialdiak ikusleak asebetetzea lortu zuen, jokatu ziren partidak emozio eta intentsitate handikoak izan baitziren.
Berastegiko piparreran lehendabiziko partida Idiazabalen aurka izan zen. Iker Saizarren neskek 2-1 irabazi eta lehenengo hiru puntuak lortu zituzten.
Bigarren norgehiagokan Idiazabal eta Anoeta neurtu ziren. Idiazabaldarrak berriro galdu zuten, 2-1eko emaitzarekin, beraz, Anoeta eta Lauburu Berastegi taldeak tituluaren bila atera ziren azken partidan.
Hirugarren neurketan, Ikerren neskak Anoetari 3-0 irabaztea lortu zuten, honela Lauburu Berastegik Gipuzkoako Kopa irabaziz. Lerro hauen bidez, Berastegiko neskak zoriondu nahi ditugu eta datorren aste buruan hasiko den ligako tituluaren play off-ean zorterik onena opa diegu.
Filialak eta kadeteak beren ligako azken partida jokatu zuten eta asteburu honetan tituluaren play off-a jokatu beharko dute.
Lehenengo Probintzialeko filialak 3-1 galdu zuten Lezon, Jaixkiren aurka. Kadeteak berriz, Arantzazuko Amari 7-2 irabazi zioten, Ibarrak honela, liga, bederatzi garaipen jarraian egin ostean itxi duelarik. Txapelketako azken fase honetan aurkariek kontuan izan beharreko gauza.