Behetik gorako bidearen aldean, goitik beherakoa hartzen dute beste batzuk halabeharrez sasoi honetan, lehen aldiz munduratzeko. Hala egin duzu zuk, Ibai, zure izenari men eginez aldapa umelean behera egin eta mundu ezezagunean itsasoratuz.
Zuretzat gu ezezagun eta guk zu ere sekula ikusi ez zaitugun arren, ikaragarria da duzun erakarpen indarra, amari lotu zaituen zilborresteaz gain harago doan beste lotura, harreman, eta konplizitatea badela argi utziz.
Eta loturak beti esanahi ona ez duen arren, bere zentzurik positiboenean ustiatuko du zure izeba honek. Askea baita ibaia, bizia zenbaitetan, geldoagoa besteetan, baina beti aurrera, bere bidea aukeratuz eta eginez itsasoraino iristen dena. Bide horretan, arduraz neurriko arduragabekeriak egiteko prest izango nauzu, kontatu nahi dizkidazun sekretuak entzuteko eta nik bizi izan ez ditudan esperientziak zure ahotik ezagutzeko.
Eta ospatuko dugu bai, Gabonetako oparia berandu iritsi zenekoa.
Neurrigabeko otorduak, senideen opariak, kuadrillako lagun ezkutuak... horren ajea dator gero urtarrilean, aldapa delakoa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!