San Inazio bezperan emango bazaie ere hasiera jaiei, Jai Batzordeak, girotze arratsalde-gaua antolatzeko asmoa hartu zuen orain urte gutxi, eta gustura hartu dugu altzotarrok. Aurten oso egitarau betea eta polita jarri digute gainera, jende askok parte hartzeko aukera ematen duena:
15:30etan, Mus txapelketa Elordi Elkartean. Muszaleen arratsaldea. Altzotarra izan behar du bikoteko batek gutxienez.
17:00etan: XIX. Frontoi Zaharreko Pilota Txapelketako finalaurrekoak. Ekainetik hona sailkatzeko hainbat partida jokatu eta gero, finalera nor erabakitzekoak jokatuko dira:
Txikienetan, lehen partida, Mikel Olano-Mauro-Bach eta Ainhoa Ugartemendia-Arkaitz Muruaren artekoa izango da; bigarrena, Mikel Iturriotz-Markel Lizarribar eta Ane Ugartemendia-Eneko Muruaren artekoa.
Gaztetxoetan, lehen partida, Ander Murua-Ekain Esteban eta Andoni Iturriotz-Haritz Estebanen artekoa izango da; bigarrena, Peru Azurtza-Iker Zubeldia eta Uxue Olano-Xabat Artolaren artekoa.
Helduetan, Joanes Olano-Mikel Artola eta Mikel Murua-Mikel Goitiak jokatuko dute lehena, eta bigarrenean Pello Olano-Iñaki Olano eta Jon Irizar-Unai Mujika ariko dira nor baino nor.
Ondoren: Zahagi ardoa: jai batzordeak ardoa jarriko du eta bere otordua ematen duten guztiek gozatu ahal izango dute afari herrikoi honetaz.
22:30etan, Alurr dantza taldearen ekitaldia: saio ikusgarria egiten dute herriko eta inguruko dantzarien parte-hartzearekin. Merezi du Alurren trebatutako gure dantzariek emandako ikuskizunaz gozatzea. Etorri!
ONDO PASA!