Ostirala hautatu da jubenilen finalak jokatzeko Alegian. Bertan binakako partida izango da lehendabizi eta ondoren Aratz Irazustabarrenak jokatuko du mano-mano.
Egun horretan eta Ikaztegietan jubenil neskak gomazko paleta modalitatean neurtuko dituzte indarrak. Intxurreko hiru talde eta parean Su Berriko, Anoetako, beste hiru nor baino nor gehiago. Etxeko taldeetan Naroa Olano eta Sara Agirre, Ainhoa Ontsalo eta Nerea Esnaola eta Maite Tolosa eta Irantzu Zubeldia arituko dira.
Azken fasera pasa dira buruz buru lehiatzen ari diren infantil eta alebinak, eta hiru partidu izango ditu etxean Intxurrek aste honetan. Altzon jokatuko dira hirurak. Egoi Irazustabarrenak, billabonatarra izango du aurkari. Unai Altunak andoaindarra eta Ekain Estebanek zaldibiarra. Lauretatik aurrera izango dira hauek Altzo muinoko frontoian.