Larunbatean Laskorain K.E.-k Afantxo F.T. taldearen aurka partida garrantzitsua jokatuko du lidertzan sendotzeko. Hau kontuan izanik, Laskorainek deialdia luzatzen die zaletuei bertaratu daitezen Usabalera arratsaldeko 16:00tan partida ikusi eta animatzera.
Bertaratzen diren sei eta hamalau urte bitarteko umeekin argazkia aterako du taldeak partidaren aurretik eta partidako atsedenaldian egingo den jokoa irabazten duenak saria eramango du etxera. Honetarako, ezinbestekoa izango da umeek Laskoraingo kamiseta jantzita ekartzea.
Guraso, lagun eta zaletuei ere deialdia luzatzen diegu, beraien laguntza oso baliotsua izango baita helburua lortzeko.
Ekintza bereziak antolatuko dira partida aurretik zein atsedenaldian, zaletu gazteenek Usabalgo harmailak kolore horiaz bete ditzaten.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!