Gezur galantak esaten baditu ere badaki tarteka egia txikiak botatzen. Lehengoan, lagun artean berriketan ari ginela ederra esan zion Marokora oporretara doan lagunari:
«Marokoraino al zoazte? Lasai, ondo ibiliko zarete, oraindik ez dut inor ezagutu kanpora joan eta gaizki ibili dela esan didanik. Oporretatik itzultzen zareten guztiok gauza bera errepikatzen didazue behin eta berriz:
Bai, bai, pixka bat deskonektatzeko 15 bat egun kanpora joan beharra dago!
Bertakoak? Oso jatorrak, gurekin behintzat oso ondo portatu dira.
Beste herrialdeetara joan beharra dago hemen zein ondo bizi garen jakiteko!
Otorduak? Bueno, gaizki ez dugu jan baina Euskal Herrian bezala ez dugu inon jaten!
Azkenerako etxera itzultzeko gogoa ere izaten da».
Ez dakigu oporretatik itzulitakoan zer kontatuko digun baina hurrengoan Marokora doan laguna eta Euskal Herritik inoiz irten gabeko laguna oporretara elkarrekin bidaliko genituela hitz eman genuen, ea zer kontatzen diguten!
Gure lagunaren oporrak!
2016ko urr. 9a, 20:03
Gure herrian bada ingurukoei adarra jo beste zereginik ez duen artista bat. Berak kontatzen duenez ez da inoiz Euskal Herritik atera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!