Ematen ez diren boto guztiek berdin balio dute egunkarietako gazta koloretsuetan. Bozkatu nahi zuen baina alderdi egokirik aurkitu ez duenarenak, hauteskundeak zirenik ere ez zekienarenak, egunean bertan ezin eta postaz bozkatzeak pereza ematen zionarenak, «ZGZE (Zer Galdu Zait Europan?)» eta «PGBD (Politiko Guztiak Berdinak Dira)» klubetakoenak...
Ematen ez den boto bakoitzak ematen direnei boterea gehitzen diela ikusirik eta hautagaien artean gaur egungo botere sistemaren aurkako hainbat alderdi daudenean, matematika sozialek ez dute hainbesteko abstentziorik justifikatzen. Sikiera, hauteskunde igandeetan arnasten den sistemaren aurkako indar hori urteko gainontzeko egunetan kalean ikusiko banu. Baina ez.
Sistemaren aurka daudela dioten askoren atzean utzikeria dezentea dakusat. Ez dut uste horietako gehienak BNGko, ERCko, Bilduko edo EBko hautagaiak baino are sistemaren aurkakoagoak direnik (gaur egungo funtzionamendu politiko-ekonomikoarekin kritikoenak direlako aipatu ditut alderdiok).
Gu buruhauste hauetan gabiltzan bitartean berriz, lasai ederrean imajinatzen ditut beste batzuk. Pozik, beren inperio ekonomiko eta sozialak arriskuan ez daudela ikusirik. Xanpain kopekin ZGZE eta PGBD alderdien garaipena ospatuz.
ZGZE eta PGBD garaile
2014ko eka. 1a, 17:00
Igaro berriak izango dira europar parlamenturako hauteskundeak artikulu hau argitaratzerako. Abstentzio izugarria jaun eta jabe izango da titularretan eta tertulietan. Eta aste bete bat faltako da beste bost urterako Europa ahaztu dezagun.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!