Berriki pistako Espainiako txapelduna izan da hirugarrenez omniumean, Dos Hermanas hirian (Espainia), eta asteburu honetan beste hiru domina lortu ditu Espainiako Txapelketan, Galapagarren (Espainia): scratch modalitatean urrea lortu du, eta kanporaketan eta puntuazioan zilarrezko bana.
Europako Txapelketan ere izan zen joan den urtarrilean, Herbehereetan, eta bertan hamahirugarren egin zuen puntuazioko proban. Bestalde, Nazioen Kopako lehen hitzordua izan du tolosarrak Australian. Merituzko hemeretzigarren postua eskuratu zuen, eta halako beste bi kopa gehiago izango ditu, guztira hiru dira, eta hain justu, horietan lor ditzake Larrartek nahikoa puntu Parisko Olinpiar Jokoetarako txartela lortzeko.
Errepidean, berriz, aurten ez da lehiatzen ari, Bizkaia-Durango taldea desagertu egin baita, eta tolosarrak ez du gaur-gaurkoz errepideko talderik. Pistako modalitatean Tolosa CF klubarekin lehiatzen ari da.
Eukene Larrarte (Tolosa, 1998) aurten pistan ari da buru-belarri.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!