TAKE saskibaloi taldeak txapelketa antolatu zuen Pazko asterako, herriko neska-mutil gaztetxoenei begira. Horrela, asteartean hasi ziren benjamin eta alebinen arteko partidak. Finalak, berriz, gaur jokatuko dituzte. Saskibaloi taldeak estreinakoz antolatu du egitasmoa, besteak beste, lagunarteko saskibaloia sustatzeko. Eta lortu dute kirol hori sustatzea, izan ere, guztira 24 talde aritu dira, Usabalko kantxetan, saskibaloian; benjaminetan 13 taldek parte hartu dute eta alebinetan, berriz, 11.
Jai giroan finalak jokatu ondoren, Super Ekoko 50 opari-txartel zozketatu dituzte, eta GBCren partidarako sarrerak oparitu dituzte. Bien bitartean, harmailetan guraso eta lagunak bildu dira dozena umek eskainitako ikuskizunaz gozatzeko.