Garaian garaiko produktuez gozatzeko aukera paregabea izango du Cristina Huarte tolosarrak, Ataria Irratiko zozketako irabazlea izan baita. Hilean behin Tolosako Azokako ekoizleei produktuak sari tentagarri izaten dira, eta gaur jaso du oparia, azokan bertan.
Garaiko barazkiez gain –azenarioak, porruak, eskarola– hiru ogi mota, feijoa fruituarekin eginiko marmelada berezia eta Mahalako arrautzesneak ekuratu ditu saskiak. Horrekin batera, gainera, duela lau hilabete larunbateroko azokan martxan jarritako Lurretik sukaldera postuko bi pintxo eta bi edari dastatzeko txartela ere oparitu dio Arrate Iturbe azokako dinamizatzaileak. Aipatzekoa da, postu honetan Zerkausiko ekoizleen produktuak eskaintzen dituztela, astero, baina sukaldean prestatuta. Horrela, garaian garaiko produktuekin hainbat errezeta egiten dituzte, pintxoak bi euroan salduz.