San Joanak 2016

Hots guztien gainetik, San Joan zortzikoa

Tolosaldeko Ataria 2016ko eka. 24a, 21:15

Eskopetarien konpainietako tiroak, salbeak, txistuen doinuak, musika banda eta kanpai hotsak. Guztiak aldi berean entzun dira arratsaldez, Tolosan. Trianguloan azken deskargak egin eta udalbatza eta dantzariek Zumaurdiaundian bukatu dute eguna.

Udalbatza, Tolosako Musika Banda, txistulari, bordondantzari eta eskopetariak Plaza Zaharretik abiatu dira arratsaldeko 17:00ak jo baino lehen. Andre Maria eliza nagusiko bezperetara joan dira guztiak eta ondoren Arrameleko San Joan kaperan izan diren arrats otoitzetan parte hartu dute.

Santa Mari plazan eta San Joan plazan bordondantza egin dute dantzariek eta handik Triangulorako bidea hartu dute. Bertan udalbatzak eskualdatzeko soinua eskaini du eta azken deskargak egin dituzte eskopetarien konpainiak.

Udalbatza, ondoren, Zumardiandira joan da eta ohiturazko aurreskua dantzatu da bertan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!