Nik ere baditut ikasketak, nola homologatu?

Tolosako jabetze eskolaren barruan, eta Bidez Bide Elkartea eta Tolosaldea Garatzen-eko Migrazio eta Aniztasun Sailarekin elkarlanean, Katia Reinberg Castellok gaztelaniaz emango du saioa.

Emakume askok jatorrizko herrietan ikasketak burutu zituzten, baina egun ez daude horretan lanean, eta ezin dute prestakuntza akademikoarekin jarraitu. Jarduera honetan esperientziak partekatuko ditugu, eta bigarren hezkuntza, batxilergo, ikasketa tekniko edo goi mailakoen homologazio, balioztatze eta onarpen prozesuaren inguruko informazioa, aholkularitza eta orientazioa emango da.