Arratsalderako euri asko iragarri dute eta hori dela eta, hainbat herritako Errege Magoen desfileetan aldaketak iragarri dituzte; Tolosako desfilea egitea erabaki dute azkenean parte hartzaileek. 18:30ean ekingo diote ibilbideari. Anoetan, berriz elizaren portikoan egongo dira Errege Magoak, Amezketan Larrunarri pilotalekuan eta Alegian udaletxean egongo dira.
Errege Magoak herriz herri
- Irura: 18:00etan hasiko da kalejira eta ondoren, San Migel plazan gozokiak banatuko dizkiete ume guztiei.
- Alegia: 18:00etan iritsiko dira Errege Magoak plazara.
- Amezketa: 18:00etan elkartuko dira plazan eta Larrunarri pilotalekura joango dira.
- Berrobi: 18:00etan aterako dira Errege Magoak Erroizpe aldetik.
- Asteasu: 18:30ean izango da Errege Magoen desfilea.
- Berastegi: 18:30ean iritsiko dira Erregeak plazara.
- Amasa-Villabona: 18:30ean aterako Erregeak Amasatik.
- Anoeta: Errege Magoak elizaren portikoan izango dira 18:30etik aurrera.
- Bidania-Goiatz: 18:30ean aterako dira Errege Magoak Hernio ingurutik. Bengoetxe baserrira jaitsi eta Bidaniko plaza zeharkatu ondoren frontoian egingo diete ongi etorria. Bertan, taloak, gaztainak, edaria egongo dira.
- Tolosa: 18:30ean hasiko da Errege Magoen desfilea, kalez kale.