2015/03/29 09:30
Korrikaren amaiera jairako autobusa eskualdetik
Bilbon emango dio amaiera bere ibilbideari 19. Korrikak, 10 egunez Euskal Herri osoa zeharkatu ondoren. Bukaera honetan parte hartu nahi duten eskualdeko euskal zaleei lana errazte aldera, AEKk, eskualdeko batzordeekin elkarlanean, autobusa antolatu du Korrikaren amaiera jaira hurbiltzeko.
Goizeko 09:30ean abiatuko da autobusa Tolosako Santa Klaratik, 09:45ean Amasa-Villabonako elizan geldialdia eginez, eta 10:00etan Andoaingo Txoperan. Autobuseko txartela 10 euroren truke lor daiteke Tolosako Xirimirin, Amasa-Villabonako Iratzarren eta Amasa kafetegian, eta Andoaingo AEK euskaltegian. Itzulera 20:00etan izango da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!